Ti ena trwa frer... ki ti pe vwayaze lor enn larout bien lous
Apre inpe letan, bann frere-la ti ariv kot enn la rivier ki ti trop danzere pou zot traverse
Me parski zot finn aprann bann lar mazik ... sa trwa frer-la finn servi zot baton e finn fer enn pon.
Avan zot kapav traverse, zot finn trouv zot sime bloke par enn form ki finn aparet
Se Lamor, e li ti santi li finn tronpe.
Li santi zot finn tronp li parski normalman bann vwayazer ki pas parla zot mor noye dan sa larivier.
Me Lamor ti rize.
Li fer sanblan ki li felisit sa trwa frer la pou zot mazik... e li dir zot ki sakenn pou
gagn enn rekonpans parski zot ti bien malin pou sove depi lamor
==============================================
Pli vie frer-la demann enn baton pli pwisan ki ninport ki lezot baton ki ena
Alor Lamor finn fabrik enn pou li apartir enn vie pie ki ti pe dibout pre kot li.
Deziem frer-la ti anvi imilie Lamor ankor plis... e finn demann pouvwar pou rapel bann pros depi tom.
Alor Lamor ti ras enn ros dan larivier e ti ofer li.
Finalman, Lamor ti tourn ver trwaziem frer-la.
Enn zom inb ek sinp ... li ti dimann enn kiksoz ki ti pou permet li sorti depi sa plas la... san ki Lamor swiv li.
E se koumsa ki Lamor finn livre so prop manto invizibilite avek retisans
==============================================
Premie frer-la finn vwayaze pou al dan enn vilaz bien lwin... kot, avek so ansien baton dan lame...
li finn touy enn sorsier avek ki li ti finn lager enn fwa.
Sou ar pouvwar ki ansien baton ti donn li... li ti fer vantar ar so invinsibilite.
Me sa aswar-la, enn lot Sorsier finn kokin baton-la... e finn fann lagorz frer-la
E alor Lamor finn pran premie frer pou li mem
==============================================
Deziem frer-la finn al so lakaz... kot li finn pran ros-la e finn tourn li trwa fwa dan so lamin
Pou so plezir, tifi ki li ti pe espere pou marye avan so lamor prematire... finn paret devan li.
Pourtan, bien vit tifi-la finn vinn tris ek fre parski li pa ti apartenir a lemond mortel.
Ankoler avek enn lanvi san lespwar... deziem frer-la finn swiside pou zwenn li.
Ek alor Lamor finn pran deziem frer-la.
==============================================
Konsernan sa trwaziem frer-la... Lamor finn rode pandan boukou lane me zame pa finn kapav trouv li.
Zis kan li ti ariv enn gran laz ki pli zenn frer la ki ti met sa Manto invizibilite , tir-li ek lerla li finn donn li so garson.
Lerla li finn akeyir Lamor kouma enn vie kamarad e finn al avek li avek lazwa...
zot kit sa lavi-la kouma egal.
